నిరంతర పరిశీలనతోనే ...

ఎప్పటికీ మంచి వారు ఉండరు ...
ఎప్పటికీ చెడ్డవారు ఉండరు ...
నిరంతర పరిశీలనతోనే ఎదుటివ్యక్తిని చదవటానికి ప్రయత్నించాలి ...
                                                                                - సూర్య

ఈ యాంత్రిక జీవన ప్రయాణంలో ...

ఈ యాంత్రిక జీవన ప్రయాణంలో మనకు సంతృప్తి ఇచ్చేవి ...
మనలో ఎక్కడో మిగిలి ఉన్న 'అనుభంధాలు' మాత్రమే ...
                                                           - సూర్య

గెలిచిన వ్యక్తికి ...

గెలిచిన వ్యక్తికి ఓడావు అని చెప్పవచ్చు ...
కానీ ... ఓడిన వ్యక్తికి ఎప్పుడూ గెలిచావు అని చెప్పకూడదు ...
                                                                      - సూర్య

నేను నీ హృదయాన్ని ...

నేస్తమా ...
- నీ సంతోషంలో నీతో వస్తా ...
- నీ దుఃఖంలో నేనే తడుస్తా ...
నిరాశా చీకట్లు నీ చుట్టూ కమ్ముకొన్నప్పుడు నిప్పునై నీ దరికి వెలుగులు తెస్తాను ...
చిరుగాలైనా నిను నొప్పించాలని చూసినా ఇక ఉప్పెనే నేనై పరుగులు తీస్తాను ...
నేను నీ పెదవులపై మెరిసే చిరునవ్వును ...
నేను నీ కనుల చివరినుంచి కురిసే కన్నీటి చుక్కను ...
నేను నీ హృదయాన్ని ...
- నీ ఆశే నా శ్వాసగా నే జీవిస్తా ...
- గెలుపులోనే కాదు నీ జీవితపు ప్రతి మలుపులోనూ నీ తోడై నే వస్తా ...
నీవు కలతపడి ఉన్నప్పుడు నిద్రలోసైతం నిను ఓదార్చే కలై వస్తాను ...
ఒంటరివై సముద్రపు ఒడ్డున కూర్చున్నపుడు ఒక అలై నిన్ను పలకరిస్తాను ...
నేను నీలో ఆశలు రేపే రేపటి ఉదయాన్ని ...
నేను నీ భుజం తట్టి నిన్ను ముందుకు నడిపించే ఓ నిజమైన నేస్తాన్ని ...
నేను నీ హృదయాన్ని ...
- నేను నీ అడుగులో అడుగేస్తూ వస్తా
-వెలుగులోనే కాదు చీకటిలోనూ నీ చేయి పట్టుకు నిన్ను ముందుకు నడిపిస్తా ...
నీతో పుడతాను , నీలో పెరుగుతాను , ప్రతి క్షణం నీతోనే పయనిస్తాను ...
నీ తరువాత నిన్ను ప్రేమించే వారి హృదయాల్లో నీ జ్ఞాపకంగా నిలుస్తాను ...
నేను నీకు తల్లిని , తండ్రిని , గురువుని , నీ జీవితాన్ని ...
నేను నీకు ప్రేమను , స్నేహాన్ని , త్యాగాన్ని , నీ స్వగతాన్ని ...
నేను నీ హృదయాన్ని ...
- సూర్య